Një ndër gurët më të çmuar dhe xhevahiret më të shtrenjta të Mbretëreshës Elizabeth II është diamanti legjendar Koh-i-Noor.
Pas vdekjes së monarkes disa në Britani kanë kujtuar mallkimin e diamantit legjendar të kurorës dhe faktin që Mbreti Charles nuk duhet ta vendosë atë.
Legjenda thotë se të gjithë njerëzit që zotëronin Koh-i-Noor (malin e dritës) janë mallkuar. Në një dorëshkrim hindu të shekullit të 14-të thuhet se kushdo që ka këtë diamant do të sundojë botën, por do të dijë gjithashtu të gjitha fatkeqësitë e Tokës. Vetëm Zoti ose një grua mund ta veshin atë pa u ndëshkuar.
Koh-i-Noor është një nga diamantet më të çmuara në botë, 105.6 karat dhe pjesë e bizhuterive të kurorës britanike. Koh-i-Noor do të thotë “Mali i Dritës ” në Hindi dhe Persian. Me këtë emër njihet që nga shekulli i 18-të.
