Valery Polyakov, 80 vjeç, kozmonauti që mban rekordin botëror për qëndrimin në hapësirë me një fluturim të vetëm, ka ndërruar jetë.
Polyakov udhëtoi në hapësirë mes viteve 1994 dhe 1995 dhe kaloi 437 ditë dhe 18 orë në stacionin orbital Mir.
Lajmi u raportua nga faqja e internetit Meduza dhe agjencia Tass, duke cituar agjencinë ruse të hapësirës Roscosmos.
“Roscosmos njofton me dhimbje vdekjen e Valery Polyakov, heroit të Bashkimit Sovjetik, heroit të Rusisë, pilotit kozmonaut të BRSS, mbajtësit të rekordit botëror për fluturimin më të gjatë në hapësirë (437 ditë)”, thuhet në mesazhin e agjenci hapësinore ruse.
