Një bombolë gazi ka shpërthyer këtë të Martë rreth orës 11:10, në një banesë në fshatin Fajza, Has.
Nga shpërthimi policia bën me dije se kanë mbetur të lënduar shtetasit S. D dhe U. D. (nënë e bir).
Mësohet se dëmet materiale janë të shumta. Të plagosurit janë dërguar në spital dhe sipas burimeve janë jashtë rrezikut për jetën.
“Rreth orës 11:10, në një banesë në fshatin Fajza, Has, dyshohet se ka shpërthyer një bombul gazi që përdorej për gatim. Për pasojë, janë dëmtuar shtetasit S. D dhe U. D. (nënë e bir). Të dëmtuarit po marrin mjekim në spitalin e Kukësit dhe ndodhen jashtë rrezikut për jetën”, njofton policia.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.
