Ish-drejtuesi i policisë së Shtetit, Arben Hajdarmataj, tha në emisionin “Të Paekspozuarit” të Ylli Rakipit se situata në Policinë e Shtetit është katastrofike, sepse është prishur sistemi brenda saj. Ai tha se kjo situatë do të dekurajojë edhe bashkëpunimin e qytetarëve për ruajtjen e sigurisë në vend.
“Situata në Policinë e Shtetit është katastrofike. Për mendimin tim është prishur sistemi brenda Policisë së Shtetit. Imagjino që polica dhe shteti, kryesisht policia kriminale që ka për detyrë të parandalojë aktivitetet kriminale të të gjitha llojeve të fushave, të ruajë jetën dhe pronën e qytetarëve punon nëpërmjet bashkëpunëtorëve të saj, pra informacioneve që merr nga punonjësti e policisë të terrenit në bazë, por kryesisht Policia e Shtetit dhe ajo kriminale ka bashkëpunëtorë, qytetarë të ndryshëm siç ka edhe Shërbimi Informativ i Shtetit dhe Shërbimi Informativ i Ushtrisë, pra janë këto institucione që kryesisht marrin informacion nëpëmjet bashkëpunëtorëve.
Imagjino në qoftë se një bashkëpunëtor policie që fatkeësisht ne jemi mësuar të shohim që sa garanci ka që ai punonjës të japë informacion dhe sa garanci ka që ai informacion nuk shfaqet në media. Kjo është pjesa që unë mendoj se është më shqetësuese sepse në njëfarë mase është shkatërruar vetë sistemi i Policisë së Shtetit.
D.m.th. dalja e këtyre të dhënave dhe në qoftë se marrim edhe këtë informacion që Gledis Nano kishte dërguar përsa i përket atij Talo Çelos kur kishte qenë drejtor i antiterrorit, pra ai tregon një dobësi shumë të madhe të Policisë së Shtetit që nuk ka funksionuar. Pra ai ka marrë informacion nga burimet e tij, e ka dërguar te eprorët dhe strukturat përkatëse qe duhet të kryenin detyrën për arrestimin dhe ndalimin e një personi të kërkuar dhe ai informacion ka mbetur aty sepse në fund të fundit Talo Çela vazhdon të jetë i lirë dhe sot në kërkim.
Po imagjinoni që ai bashkëpnëtor ose ai person që ka dhënë këtë informacion Gledis Nanos, dyshohet a është e mundur a e hamendësojmë edhe ne që Talo Çela sot e di nga kush i ka dalë ky informacion, pra ose nga shoqëria e tij, nga rrjeti që mund të jetë bashkëpunëtor ose nga rrethanat e sigurisë. Pra këto lloj informacionesh në njëfarë mase e dekuraojnë qytetarin për të dhënë informacion dhe për më tepër shkatërrojnë dhe zinxhirin ose trajtimin e informacioneve dhe pranë strukturave të Policisë së Shtetit sepse në fund të fundit këto janë frika që ne i kemi provuar edhe në rastin e Zaganit dhe në raste të tjera që janë bërë publike që informacione që kanë grumbulluar punonjësit e policisë kanë shkuar nga oficerët e korruptuar tek elementë me rekorde të theksuara kriminale.
Një problem tjetër shumë i madh që unë mendoj është sistemi TIMS ku interferojnë shumë e shumë sisteme të tjera.Është sistem NETMES ku ka dhëna kriminale dhe gjithë aktivitetin kriminal të cilët janë persona që janë në ndjekje, pra nuk janë persona me një vendim gjykate dhe ka mbaruar punë drejtësia me ta, por janë persona që janë
Ylli Rakipi: A mund të degjenerojë më tej ky problem?
Arben Hajdarmataj: Unë shpresoj që të mos ndodhë, por nuk e kam këtë mendim. Kam frikë që do të ndodhë dhe çdo ditë në faqet e mediave do të publikohen informacione të ndryshme dhe është shumë problem përsa i përket edhe çështjes së sigurisë kombëtare, por edhe të vetë sistemit të parandalimit të aktivitetit kriminial nga Policia e Shtetit.
Të mos harrojmë që sistemi TIMS është i ndërtuar nga shteti amerikan, e përdor edhe shërbimi informativ, pra aty ka lloj-lloj informacionesh, aty është lidhur edhe sistemi i Interpolit ku një qytetar, nëse ka rekorde kriminale jepet alerti aty, pra ka shumë probleme dhe nuk është kaq e thjeshtë që dolën një apo dy informacione.
