Një incident i ndodhur gjatë nderimeve të fundit të Mbretërshës Elizabeth II ka tronditur të gjithë njerëzit që ishin të pranishëm në sallën Westminster.
Një burrë ka tentuar t’i afrohet arkivolit të mbretëreshës Elizabeth II. Media britanike Dailymail shkruan se burri shtyu ata që ishin në radhë para tij mes tyre dhe një vajzë shtatë vjeçare, nxitoi për tek arkivoli dhe u përpoq të hiqte flamurin mbretëror.
Muhammad Khan, 28 vjeç, nga Barleycorn Way, Tower Hamlets, u arrestua në Westminster Hall të premten, më 16 shtator.
Ai u akuzua sipas nenit 4A të Ligjit për Rendin Publik për sjellje që synon të shkaktojë alarm, ngacmim ose shqetësim.
Ai do të paraqitet në paraburgim në Gjykatën e Magjistraturës së Westminsterit të hënën, 19 shtator – ditën e funeralit shtetëror të Mbretëreshës.
