34 vjeçari, Alban Pashollari i cili ndërroi jetë sot në ujërat termalë të llixhave në Elbasan, mësohet se ka hyrë pa leje në vaskë bashkë me shokun e tij.
Frekuentuesit e llixhave shprehen se i ndjeri bashkë me shokun e tij kishin mbushur vaskat vetë me rubinet dhe dyshohet se ishin të dehur. Ata thonë se nga ora 9 e darkës kanë dëgjuar ulërimat e një burri që kërkonte ndihmë.
“Kanë pirë birra bashkë me shokun e vet. mNdërroi jetë rrugës për në spital, ai ka hyrë bashkë me shokun, hapën rubinetët dhe mbushën vaskat”-tha një nga frekuentuesit e llixhave për Fax News.
“Bërtiste një burrë, ndihmë…ndihmë, diku ora 9 e gjysmë. Dolëm më pas kishte ardhur policia. Nuk ka të drejtë një njeri i rrugës të futet në pronë pa leje, është e padrejtë”-u shpreh një tjetër.
Dyshohet se Alban Pashollari u asfiksua dhe pësoi arrest kardiak në momentin që u fut në vaskë, ndërsa ndërroi jetë gjatë rrugës për në spital.
