Lumë golash në sfidën Slavia Preague-Ballkani. Ekipi çek kryeson me rezultatin 3-2 teksa është mbyllur pjesa e parë.
“Dardanët” kaluan fillimisht në avantazh në minutën e 23-të me anë të Ermal Krasniqit. Skuadra e Dajës shënon pas një aksioni të perfekt të finalizuar nga sulmuesi.
Vendasit do të rikthenin baraspeshën në minutën e 26-të. Jurashek depërton në krahun e majtë dhe çon topin në rrjetë pas një kontrolli jo të sigurt të Frashërit.
Megjithatë në minutën e 29-të, kosovarët gjejnë sërish rrugën e rrjetës për të marrë epërsinë për të dytën herë. Skuadra e Dajës rifiton topin para zonës kundërshtare dhe Korenica nuk gabon me tentativën e tij i vetëm para portës.
Surprizat nuk kishin të mbaruar me ekipin çek që realizon dy herë në minutat 34’ dhe 41’.
