Studimet e fundit tregojnë se të rinjtë kryejnë më pak marrëdhënie intime se brezat e kaluar. Kohët moderne duket se kanë pasur ndikim negativ te intimiteti. Njerëzit janë më të izoluar, më të fokusuar te vetja, dëshira për të bërë karrierë, puna e të gjitha kërkesat e shoqërisë së tanishme i ka ftohur çiftet. Sipas një studimi shumë prej tyre kryejnë marrëdhënie vetëm dy herë në vit.
E ftuar në emisionin Rudina në Tv Klan, ish-fronistja e “Love Story”, Dea Vieri, ka treguar mendimin e saj për këtë çështje.
“Unë personalisht mendoj se shqiptarët janë shumë të frustruar për sa i përket anës seksuale dhe nuk bëhet seks mjaftueshëm. Megjithatë kjo vjen edhe për shkak të kulturës, sepse sjelljet e shoqërisë sonë inkurajohen për të mirën e shumicës. Shumica e shqiptarëve, duke patur parasysh se kemi qenë një vend komunist, kemi patur dhe Kanunin, i cili fliste për një periudhë shumë të gjatë për nderin dhe virgjërinë. Për sa kohë në Shqipëri do vazhdojnë të diskutohen dhe të lartësohen këto terma, shqiptarët do kenë shumë probleme për sa i përket jetës seksuale, për të mos shtuar gjithashtu se është shumë e vështirë për të rinjtë për të krijuar marrëdhënie seksuale. Nuk është gjendja financiare. Shumica e të rinjve shqiptarë jetojnë me prindërit e tyre dhe nuk mund të paguajnë shërbime të tilla si hotelet e vende ku mund të eksplorojnë dëshirat seksuale. Shumë njerëz vazhdojnë ta konsiderojnë aktin seksual si të turpshëm, kjo i bën vajzat më të tërhequra.”- tha Dea Vieri.
