Mungesë për një ndeshje për Allegrin, Cuadradon, Milik dhe Fazio. Ky është vendimi i fundit i marrë nga Gjykata Sportive në Itali, pas shqyrtimit të episodeve të pakëndshme në ndeshjen Juventus-Salernitana, e vlefshme për Serie A.
Trajneri i “Zonjës së Vjetër”, Allegri u ndëshkua me karton të kuq në fundin e sfidës, pas protestave të tepruara ndaj gjyqtarit te rasti i anulimit të golit.
Gjithashtu, Milik la fushën e lojës me karton të kuq. Sulmuesi polak kishte marrë një karton të verdhë gjatë zhvillimit të takimit, ndërsa i dyti po me këtë ngjyrë erdhi për shkak të heqjes së fanellës gjatë festimit.
Sa i takon Cuadrados dhe Fazios (Njëri i Juves, tjetri i Salernitanës), të dy patën të njëjtin fat, pasi lanë fushën e lojës në fund pas ndëshkimit të gjyqtarit.
