Presidenti i Republikës, Bajram Begaj ka bërë një tjetër “gafë”.
Gjatë vizitës zyrtare të presidentit të Italisë Sergio Mattarella në Tiranë, Begaj, një ish-ushtarak ka ngatërruar protokollin duke ecur në kohën që banda frymore luante himnin e Italisë.
Mattarella në siklet, që nuk e kupton se çfarë po ndodh, provon në disa raste që ta ndalojë por pa ia arritur qëllimit duke qenë se Begaj vijon të ecë mbi tapetin e kuq nën tingujt e himnit të Italisë.
Kujtojmë që Begaj dy ditë më parë bëri një tjetër gafë në letrën e ngushëllimit drejtuar Princit Charles III për vdekjen e së ëmës, Mbretëreshë Elisabeth II, duke i quajtur “monarkitë si forma e drejtimit të shtetit të tejkaluara”.
