Reali i Madridit vazhdon të fitojë, me skuadrën e drejtuar nga Karlo Ançeloti që vazhdon të kryesojë me pikë të plota në La Liga.
Kësaj radhe, “Galaktikët” kishin përballë në “Santiago Bernabeu” Majorkën e Vedat Muriqit. Miqtë e nisën mjaft mirë takimin, me një gol të shënuar nga sulmuesi i përfaqësueses së Kosovës në minutën e 35’.
Gjithsesi, Reali u tregua dominues, duke barazuar në fundin e pjesës së parë me Valverden dhe në pjesën e dytë gjeti avantazhin me Vinicius. Në fund të takimit ishin Rodrigo dhe Rudiger që vulosën gjithçka, me sfidën që përfundoi 4-1.
Reali vazhdon të jetë e vetmja skuadër në “Top 5” ligat më të mira europiane që vazhdon të ketë vetëm fitore.
