Deputeti i Partisë Demokratike, Dashnor Sula ka zgjedhur t’i përgjigjet në një mënyrë krejt origjinale, fjalimeve të ministres së Financave dhe Ekonomisë, Delina Ibrahmiaj, e cila u mbrojt me teorinë e anunçimit të një pakete ndihmash, nga akuzat për rritjen e çmimeve.
Në momentin që ministrja ka nisur të flasë në foltore, Sula shpalosi një pankartë ku kishte listuar ndryshimin përgjatë 1 viti (shtator 2021-shtator 2022) të listës së çmimeve të shportës me ushqimet bazë për një familje.
Aty bie në sy një rritje e çmimit të bukës masive dhe miellit me 50%, por edhe produkte si vaji dhe orizi, që tashmë kanë një kosto të frikshme për xhepat e qytetarëve shqiptarë.
Kujtojmë se deputeti Sula edhe në mbyllje të sesionit parlamentar 2021-2022 shkoi në Kuvend me një shportë të ushqimeve bazë, duke u treguar gazetarëve dhe kolegëve të tij deputetë faturën e “çmendur” të saj.
