Nuk ka më asnjë dyshim, Sinisa Mihajloviç nuk do të jetë më trajneri i Bologna. Lajmin e ka bërë me dije vetë klubi italian me anë të një deklarate, ku thekson se të dyja palët kanë ndërprerë bashkëpunimin pas vetëm 5 javëve kampionat.
Duket se tre pikë të grumbulluara në pesë ndeshjet e para thuhet se kanë qenë arsyeja e shkarkimit të trajnerit serb nga detyra.
Gjithsesi falënderimet nuk kanë munguar drejt Mihajloviç, me presidentin e klubit italian që e ka cilësuar si vendimin më të vështirë qëkur është vënë në krye të Bolonjës.
