Prezantuesja e njohur Mara Venier ka shokuar me deklaratën e saj pëer marrëdhënien që ka pasur me ishtë dashurin.
Në një intervistë për “Corriere”, Venier tha se kishte pasur një partner të dhunshëm që e kishte rrahur vazhdimisht.
“Ai erdhi të më vriste. Më priti jashtë shtëpisë me thikë. Kjo është diçka që nuk e kam thënë kurrë. Ai nuk e pranoi fundin e historisë sonë. Ai tha se akoma më donte. Por kjo nuk është dashuri. Ndjeva frikën nga dhuna fizike dhe frika nga denoncimi. Por unë isha e dashuruar dhe kur dashuron nuk dëshiron të shohësh: dashuria të shtyn të justifikosh thuajse gjithçka. Ishte një gabim i madh. Në fund u detyrova ta denoncoja”, tregoi ajo.
Prezantuesja u bëri thirrje të gjitha grave që gjenden në të njëjtën situatë si ajo, të mos tolerojnë as një shuplakë, por të shkojnë menjëherë të denoncojnë.
