Kledi Kadiu do të jetë anëtar i jurisë së “Dancing With the Stars”. I ftuar në “Wake Up”, në Top Albania Radio, balerini konfirmoi lajmin, ndërsa u shpreh se është i emocionuar për këtë projekt të madh. Ai tregoi po ashtu se pas shumë vitesh në Itali, do të kthehet të jetojë në Shqipëri
“Ky moment ka qenë tundimi më i vështirë, sepse janë disa faktorë që ndërthure, unë kam dy fëmijë Gabrieli që sa mbushi 1 vjeç dhe një vajzë që sapo nisi klasën e parë. Por kthimi në Shqipëri është i veçantë sepse aty kam lindur, ka studiuar, kam familjen time, rrënjët e mia, shokët e mi, është një emocion i veçantë. Kam shumë vite në Itali, gati 32 vjet, jam shumë i emocionuar por kam dhe një ndjenjë përgjegjësie, sepse ne jemi një popull që e njohim mirë baletin.”- tha ai.
I pyetur për projekte të tjera personale, Kledi tha se për momentin është i fokusuar vetëm te “Dancing With The Stars”, si projekti më i rëndësishëm në karrierën e tij.
“Projekti më i rëndësishëm është ‘Dancing with the Stars’, po përgatitem për të gjitha, dhe mezi po pres. Mezi po pres po ashtu për të njohur anëtarët e tjerë të jurisë, sepse ende nuk e di kush janë”- u shpreh ai.
