Ferrari nuk mori rezultatet që priste në Çmimin e Madh të Holandës, duke rrezikuar të humbasë dhe vendin e dytë nga Mercedezi në garën për konstruktor.
Një ngjarje e pakëndshme ndodhi për “Kokëkuqen” në xhiron e 18 të garës, kur Karlos Sainz u detyrua të futej në bokse për shkak se gomat e tij u konsumuan më shumë seç priteshin.
Ekipi i “pitstop”-it u bë gati për të pritur pilotin spanjoll, por ata dukej se kishin harruar të sillnin gomën e pasme.
Kjo gjë bëri që “pitstop”-i i Sainz të zgjaste plot 12.7 sekonda. Gjithsesi ai arriti që këtë garë ta mbyllte në vendin e 5-të, pas Lewis Hamilton.
Garën e Holandës e fitoi Max Verstappen me Red Bull, i ndjekur nga Mercedesi i George Russell, ndërkohë Leclerc plotësoi podiumin.
