Një 53-vjeçar ka humbur jetën këtë të Shtunë, pasi dyshohet se ra nga një shkëmb në Martanesh, ku ishte duke kullotur bagëtitë.
Sipas bluve, A.B, rreth 53 vjeç, ishte duke kullotur bagëtitë në fshatin Ndërfushas, ku dyshohet se është rrëzuar nga lartësia e një shkëmbi.
Ai është transportuar drejt spitalit të Traumës në Tiranë, për ndihmë të specializuar mjekësore, por nuk ka mundur të mbijetojë.
Blutë konfirmuan se humbi jetën në spital.
Ndërkaq, një hetim ka nisur për zbardhjen e ngjarjes.
