Mediat turke kanë publikuar pamje të reja të arrestimit të Faruk Fatih Özer, turku i cili u arrestua paraditen e sotme në Jug të Shqipërisë.
28-vjeçarit i janë vënë prangat nga dy oficerë të maskuar, ndërsa vihet re qartë shtimi i tij në peshë, detaj që shtyu policinë shqiptare t’i dërgonte autoriteteve turke një foto nga momenti i ndalimit për të konfirmuar nëse ishte personazhi që po kërkonin, raportojnë mediat turke.
Ozer jetonte së fundmi në lagjen “5 maji” në Elbasan, ndërsa kishte lëvizur edhe në disa qytete të tjera, që nga prilli 2021 kur u arratis nga Turqia, duke fluturuar nga një aeroport në Stamboll.
Gjykata e Lartë e Stambollit ka lëshuar urdhër arresti në vitin 2021, ndaj 28-vjeçarit, per veprat penale ‘Krijimi i organizatës kriminale’ dhe ‘Mashtrimi me pasoja të rënda’.
Ozër mendohet se mashtroi rreth 400 mijë njerëz me krpitmonedha dhe u zhduk me 108 milion dollarë.
