Reshit Fraholli, 58 vjec është një nga 4 punonjësit e bashkisë Pogradec që vodhi ndihmat e qytetarëve në Pogradec së bashku me 3 kolegët e tij.
Ai ka qenë kandidat për kryetar në Komunën Cerravë gati një dekadë më parë duke përfaqësuar logon e koalicionit të drejtuar nga PS, si dhe ka punuar tek Ujësjellës Kanalizime në Pogradec.
“Nisur nga një video e publikuar mbrëmjen e djeshme në rrjetet sociale, në të cilën shfaqeshin punonjës të bashkisë Pogradec që vidhnin pako me ndihma të dhuruara nga donatorë të huaj për komunitetin e Pogradecit, menjëherë specialistët për Hetimin e Krimit në Komisariatin e Policisë Pogradec filluan veprimet për verifikimin e rastit dhe për identifikimin e personave përgjegjës. Nga provat e grumbulluara dhe nga hetimet e mëtejshme të kryera, u bë i mundur dokumentimi i plotë i kësaj ngjarjeje. Si rezultat, u arrestuan në flagrancë 4 shtetasit”, njoftoi policia.
“Këta shtetas, me detyrë punonjës pranë bashkisë Pogradec, në bashkëpunim me njëri-tjetrin, në ambientet e pallatit të sportit, në qytetin e Pogradecit, vodhën disa pako me ndihma, të dhuruara nga donatorë të huaj, për komunitetin e kësaj bashkie. Në cilësinë e provës materiale u sekuestruan pakot me sendet e vjedhura dhe një automjet tip ‘Audi’, me të cilin do të transportoheshin. Materialet i kaluan Prokurorisë pranë Gjykatës së Rrethit Gjyqësor Pogradec, për veprën penale ‘Vjedhja e kryer duke shpërdoruar detyrën’, kryer në bashkëpunim“, shtuan të njëjtat burime.
Lexo edhe
