Bota shmangu një katastrofë bërthamore pasi energjia elektrike në termocentralin bërthamor të Zaporizhzhia ne Ukrainë u ndërpre për orë të tëra për shkak të bombardimeve.
Kështu ka deklaruar Presidenti i vendit Volodimir Zelenski, i cili lavdëroi teknikët ukrainas që operojnë centralin nën vëzhgimin e ushtrisë ruse.
“Nëse stafi ynë nuk do të kishte reaguar pas ndërprerjes së energjisë elektrike, atëherë ne do të kapërcenim pasojat e një aksidenti bërthamor”, u shpreh ai gjatë një fjalimi mbrëmjen e së Enjtes.
Gjeneratorët rezervë me naftë siguruan furnizimin me energji elektrike që janë jetike për sistemet e ftohjes dhe sigurisë në termocentralin bërthamor.
Vladimir Rogov, një zyrtar i emëruar nga Rusia në qytetin e pushtuar Enerhodar pranë uzinës, fajësoi Forcat e Armatosura të Ukrainës për një zjarr në një pyll pranë uzinës. Ai tha se qytetet në zonë humbën energjinë për disa orë të enjten.
Fikja e termocentralit më të madh të Evropës ishte e para në historinë e tij.
Ky termocentral ra në duart e rusëve në Mars dhe e kanë kontrolluar atë që atëherë, megjithëse janë teknikët ukrainas ata që operojnë aty. Organizata e Kombeve të Bashkuara ka kërkuar akses në termocentral dhe ka bërë thirrje që zona të çmilitarizohet.
