Lihet në qeli ish-efektivi i policisë i akuzuar se ka ndihmuar Ervis Martinajn.
Në Gjykatën e Kurbinit është zhvilluar sot seanca për komunikimin e masës së sigurisë arrest me burg për Jeton Lamin, agjentin e forcave operacionale që ka ndihmuar, përkrahur dhe transportuar të shumëkërkuarin Ervis Martinaj.
Ervis Martinaj dyshohet se javët e fundit ishte strehuar në qytetin e Durrësit, ndërkohë që familjarët e tij e denoncuan në polici se kishin humbur çdo lloj kontakti me të.
Deri më 13 gusht, Martinaj është strehuar në këtë qytet dhe më pas dyshohet punonjësi i polici Jeton Lami e ka transportuar atë drejt qytetit të Tiranës.
Dyshohet se Martinaj zgjodhi Lami për ta transportuar në këmbim të ryshfetit, pasi ky i fundit ka pasur informacion se ku ndodheshin postblloqet e Policisë. Në këtë mënyrë Martinaj mund të lëvizte pa problem dhe pa u pikasur nga punonjësi i policisë.
