Volodymyr Zelensky ka deklaruar se Ukraina nuk do të pajtohet me asnjë propozim për të ngrirë vijat aktuale të frontit në konfliktin e saj me Rusinë, në mënyrë që të ‘qetësojë’ Moskën, e cila tani kontrollon rreth 22% të Ukrainës, përfshirë edhe Krimenë.
Duke folur në një konferencë për mediat në Kiev, presidenti ukrainas i kërkoi botës të mos tregohet e mefshtë ndaj luftës në Ukrainë sepse kjo do të përbënte një kërcënim të madh për të gjithë.
“Ne do ta kthejmë Krimenë me çdo mjet që e gjykojmë të drejtë, pa u konsultuar me vendet e tjera”, tha Zelensky.
