Një 25-vjeçare është shpëtuar ditën e sotme pasi për pak është mbytur në një pishinë në Tiranë. Mësohet se e reja e shoqëruar nga një 32-vjeçar, ka humbur vetëdijen dhe është nxjerrë nga pishina në gjendje të rëndë shëndetësore.
25-vjeçarja është dërguar në spital për të marrë ndihmë mjekësore, ndërkohë që në vendngjarje ka shkuar policia për të bërë të mundur zbardhjen e ngjarjes.
Njoftimi i Policisë:
Tiranë/Informacion paraprak Më datë 22.08.2022, është marrë njoftim se në ambientet e pishinës së një lokali në Linzë, ishte mbytur një vajzë. Shërbimet e Policisë kanë shkuar menjëherë në vendngjarje dhe kanë konstatuar brenda në pishinë, shtetasen E. T., 25 vjeçe, në gjendje të rëndë, e cila ishte e shoqëruar nga shtetasi O. M., 32 vjeç. Shtetasja E. T., pasi ka marrë ndihmën e parë mjekësore nga stafi i ambulancës, është transportuar në spital dhe ndodhet nën kujdesin e mjekëve. Grupi hetimor po punon për sqarimin e rrethanave të ngjarjes.
