Anëtari i Këshillit Kombëtar të PD, Andi Mustafaj, komentoi për Syri Tv sulmin e rusëve në uzinën e armëve në Gramsh, të cilët po hetohen si të dyshuar për spiunazh. Mustafaj deklaroi se informacionet që kemi deri tani, shteti ka një reagim katastrofik dhe tregon që s’kanë një busull ideologjike.
“Flasin për plane, kur këto duan një studim të thellë. Nuk kuptojmë nëse bëhet fjalë për spiunazh apo për çfarë, kjo është në dëm të opinionit publik shqiptar.”-tha Mustafaj.
Për refuzimin e qeverisë shqiptare për të bllokuar hyrjen e shtetasve rusë gjatë kësaj kohe, Mustafaj u shpreh se në Ballkanin Perëndimor përplasen të gjitha fuqitë që tentojnë të investojnë.
“Nuk është diçka e tanishme influencat që bëjnë. Duhen parë veprimet e shtetasve rus dhe pasojat që ata mund të kenë për destabilizimin e rajonit. Rilindja kriminale ka krijuar sistemin e konfuzionit të përhershëm.
Shoqërisë ja hedh batutat, sharjet, skandalet pafund, ka humbur busullën e shoqërisë shqiptare. Këto gjëra s’mund të priten me shaka, mund të kenë pasoja të mëdha për vendin.”-tha Mustafaj.
