Muhamed bin Abdul Karim Al-Issa, Sekretari i Përgjithshëm i Ligës Myslimabe Botërore, e quajti sulmin ndaj shkrimtarit Salman Rushdie “një krim që Islami nuk e pranon”.
Në një intervistë për “Arab News” nga Rimini i Italisë, ku mori pjesë në një konferencë mbi dialogun ndërfetar, ai tha se “Islami është kundër dhunës dhe nuk mund të pranojë kurrë asnjë metodë dhune”.
“Çështjet fetare dhe intelektuale, duke përfshirë frazat që mund të lexohen plotësisht ose pjesërisht si fyese, nuk mund të trajtohen kurrë në këto mënyra të dhunshme”, u shpreh.
Al-Issa foli pas një takimi të gjatë me kryetarin e Konferencës Episkopale Italiane, kardinalin Matteo Maria Zuppi.
“Ka tekste në fenë islame që janë kundër dhunës. Dhe ato tekste janë të qarta”, theksoi ai.
Al-Issa, i cili është gjithashtu president i Organizatës Ndërkombëtare Islamike “Halal” dhe një ish-ministër i drejtësisë saudite, konsiderohet si një zë kryesor global në Islamin e moderuar, si dhe një figurë kyçe në luftën ndaj ideologjisë ekstremiste. Udhëheqës fetarë dhe zyrtarë qeverish e kanë lavdëruar për përpjekjet e tij për të promovuar moderimin, bashkëpunimin dhe bashkëjetesën mes të gjithë njerëzve.
Ai mori një pritje të ngrohtë në edicionin e 43-të të “Takimit të miqësisë midis njerëzve” në Rimini, organizuar nga “Comunione e Liberazione”, një lëvizje e shquar katolike romake.
Al-Isa tha se feja “është kuptimi i ekzistencës së njeriut në këtë jetë, shuma e vlerave të bazuara në parime të veçanta, në bazë të të cilave nuk është vetëm një filozofi, por edhe një burim fetar që vjen nga Zoti. Për këtë flasim për vlera, si fetare ashtu edhe njerëzore. Këto vlera përfaqësojnë ndjenjën e fesë dhe instinktin fetar. Kjo nënkupton edhe ndjenjën e besimit në qenien njerëzore.”
Pasioni dhe dashuria, shtoi ai, janë “faktorë qendrorë në fe”, duke shtuar: “Besimtari duhet t’i dojë të gjithë të tjerët edhe nëse nuk pajtohet me ta. Besimtari e di se në këtë jetë nevojiten dashuri dhe mëshirë. Dashuria është jetë, bashkëjetesë, paqe, harmoni.”
Ai theksoi nevojën për dialog ndërfetar, pasi ai siç deklaroi, eliminon të gjitha keqkuptimet dhe sqaron të vërtetat brenda dhe jashtë botës islame, si për myslimanët ashtu edhe për jomuslimanët. “Dialogu është gjuha e të arsyetuarve, e të mençurve. Nëse të gjithë e praktikojnë atë, ne të gjithë afrohemi dhe kjo qasje largon frikën e njerëzve të tjerë”, u shpreh.
“Edhe nëse secili mund të jetë i ndryshëm nga tjetri, nuk ka asnjë arsye për t’u frikësuar apo shqetësuar për personin tjetër: Ne të gjithë ndajmë jetën në këtë tokë dhe duhet të flasim dhe të kuptojmë njëri-tjetrin. Dallimet midis qenieve njerëzore kthehen që nga krijimi i njerëzimit. Po të kishte dashur Zoti, ai mund të kishte krijuar vetëm një grup etnik ose një fe të vetme. Por ai nuk e bëri, dhe ne duhet të besojmë në mençurinë e tij“, tha ai.
Më pas Al-Issa foli për respektin për muslimanët në mbarë botën.
“Ne dëshirojmë që të gjithë të jetojnë me dinjitet, të gjitha pakicat të jenë të integruar mirë në tokën ku jetojnë. Ne gjithashtu shpresojmë që të gjitha qeveritë në mbarë botën të respektojnë të drejtat e pakicave dhe specifikat e tyre kulturore, fetare dhe kulturore. Ne nuk pranojmë që asnjë pakicë në botë të ofendohet, pavarësisht nëse janë muslimanë apo jo.”
Në fund ai u bëri thirrje të gjitha kombeve që të kujdesen për refugjatët.
“Refugjatët janë viktima dhe duhet të kujdesen për ta duke i integruar në shoqëritë në të cilat jetojnë dhe duke u garantuar të drejtat e njeriut në vendet ku janë strehuar”, tha ai.
