Nga Boldnews.al
Kreu i shtetit Bajram Begaj zgjodhi të njëjtën udhë nga paraardhësit e tij, duke kryer viztën e parë zyrtare si president në Kosovë. Asgjë për tu shënuar deri në këtë pikë, teksa u ndoq një traditë e hershme, por mesazhet që Begaj la në Kosovë treguan që më së paku e ka të vështirë të dalë nga zhgualli që i ka lënë si barrë kryeministri Edi Rama.
Përplasjen e parë Begaj e pati me homologen kosovare, Vjosa Osmani. Ajo kërkoi bashkëpunim mes dy ushtrive dhe nënshkrimin e një traktati të mbrojtjes reciproke mes dy vendeve. “Është me rëndësi që këto dy shtete ta formojnë një traktat për mbrojtjen e njëra-tjetrës. Kjo praktikë është në harmoni me praktikat ndërkombëtare dhe aplikohet nga shumë shtete. Është koha që të bëjmë hapa të duhur në këtë drejtim”- u shpreh Osmani.
Presidenti Bajram Begaj nuk tentoi as të dëgjonte më tej, por në mënyrë të “çuditshme” mbajti të njëjtin qëndrim si ai i Ramës, duke u “fshehur” pas NATOS. “Shqipëria mbështet fuqimisht anëtarësimin e Kosovës në NATO dhe vlerëson se NATO mbetet një garant i paqes në rajon dhe aleat strategjik i Kosovës dhe Shqipërisë”– tha Begaj.
Se cili qëndrim është në favor të dy vendeve kjo është një tjetër analizë që ka mendime pro dhe kundër njërit apo tjetrit president, por deklaratat e Begajt nuk ishin gjë tjetër përveçse fjalët e Ramës të artikuluara prej tij, gati si një “ministër shteti për marrëdhëniet me Parlamentin” (post që mbahet nga Elisa Spiropali). Presidenti e ka kuptuar se në letra është kreu i shtetit, ndonëse ajo që kupton edhe më mirë është se gjendet aty në atë “fron presidencial” me vendimin e Ramës.
Pikërisht këtë të nder për “vendin e punës” që Rama i gjeti, Begaj nuk po e zhgënjen, që në vizitën e parë dhe deklaratat e para publike që pas 24 korrikut 2022 kur zyrtarisht u betua me dorën mbi kushtetutë se do të shërbejë për vendin.
Qëndrimi i dytë i Begaj ishte edhe për nismën “Ballkani i Hapur”, një krijim i dyshes Rama-Vuçiç. Kosova e ka refuzuar hapur pjesëmarrjen në këtë nismë duke argumentuar se kjo sjell fuqizimin e Serbisë, madje realizon ëndrrën e saj represive për krijimun e “Jugosllavisë së re”. Megjithatë Begaj sërish ishte në të njëtën linjë me Ramën, duke u sugjeruar liderëve politik të Kosovës që të bëhen pjesë e Ballkanit të Hapur. Përveç Kosovës kjo nismë nuk është nënshkruar as nga Mali i Zi dhe Bosje Hercegovina, për të njëjtat argumenta.
Hostoria e vendit tonë për shumë shekuj nën pushtim është e mbushur me të “dërguar” të Sulltanit, apo edhe të Benito Musolinit në Shqipëri, si mëkëmbës të tyre. I Fundit mëkëmbës zyrtarisht njihet Jacomoni (Jakomoni), që bënte politikat e Musolinit në Shqipëri dhe e informonte atë për çdo zhvillim.
Begaj në Kosvë u shfaq si i “dërguari” i Ramës dhe politikave të tij që ndjek, sidomos ato të marrëdhënieve me Kosovën që për herë të parë në historinë tonë janë tërësisht të ndryshme, madje në disa raste shumë konfliktuale, duke mos pasur asnjë koordinim në çështje të marrëdhënieve me jashtë dhe veçanërisht për zgjidhjen e konfliktit me Serbinë.
Kosova refuzon pjesëmarrjen në nismën e Ballkanit të Hapur, që në letra është lëvizja e lirë e njërëzve, e mallrave e kapitalit dhe kulturës, por përtej “katër lirive” fshihet forca e Serbisë e cila po e mban Kosovën nën trysni.
Megjithatë “Jakomoni modern” që erdhi nga Tirana e bëri të qartë në Kosvë se po ndjek me përpikmëri politikat e Ramës, që nuk është ende “Doçe”, të paktën në marrëdhënie me jashtë për mungesë të forcës, pasi brenda vendit gjithçka bëhet sipas idesë së tij, qofshin shpesh edhe fort haluçinative.
