Lajmi i ndarjes së Pete Davidson dhe Kim Kardashian bëri bujë, por ende pa kaluar pak kohë nga ndarja u përfol në rrjet se komediani ka nisur një romancë të re me një 81-vjeçare.
Së fundmi vetë 81-vjeçarja Martha Stewart i është përgjigjur memeve virale që pretendojnë se ajo ka një romancë me Pete Davidson.
Pavarësisht se u fotografua duke u kapur për dore me ish-yllin e “Saturday Night Live” në darkën e Shoqatës së Korrespondentëve të Shtëpisë së Bardhë në prill, 81-vjeçarja tha se nuk do të bëhet e dashura e ardhshme e Davidson.
“Pete Davidson është si djali që nuk e kam pasur kurrë!”- tha Martha për Daily Mail.
Megjithatë, edhe pse një lidhje e re e nxehtë nuk është në horizont, ajo tha se i pëlqente takimi me komedianin 28-vjeçar.
“Ai është një djalë simpatik që po gjen rrugën e tij,” tha ajo.
