Reperi Noizy, pas 16 viteve karrierë muzikore, shkroi histori me “Alpha Show-n”. Koncerti i reperit rezultoi një sukses i vërtetë, dhe këtë e faktojnë biletat e shitura. Zonat ishin të ndara, duke filluar nga 30 mijë lekë të vjetra në 5 mijë euro në zonën “Diamond VIP”.
Moderatorja Jonida Shehu ishte e pranishme në koncert si publik dhe gjatë një intervistë për “Euronews Albania” ajo u shpreh se kjo ishte një ngjarje e rëndësishme bazuar në shitjen e biletave për 18 mijë persona. Ajo tregoi se përpos show-t ajo ndodhej aty pasi organizimi i eventit ishte bërë nga bashkëshorti i saj.
“Unë shkova për show-n, për ngjarjen, për ta parë. Për rastësi unë dhe familja ime jemi pjesë e kësaj industrie, ishte gjithë angazhimi i tim shoqi, dhe unë shkoj në ngjarjet e tij. Por dua të them të gjitha jo vetëm tek ato që organizon im shoq.
I di vështirësitë për shkak të rrethanave, është një ngjarje e madhe, të organizosh një koncert dhe të shesësh 18 mijë bileta të cilat nuk i shet dot me imponim dhe kjo është meritë jo vetëm e organizatorëve. Ndonjëherë i paragjykojmë gjërat, njerëzit nuk imponohem, njerëzit e duan Noizy-n dhe muzikën”, tha moderatorja.
