Sulmuesi i kombëtares shqiptare, Armando Broja është një ndër emrat më të lakuar të merkatos verore.
Pas huazimit te Sauthempton sezonin e kaluar, 20-vjeçari është aktivizuar në dy ndeshjet e para të kampionatit me blutë e Londrës dhe sipas mediave, Çelsi ka filluar bisedimet me të për një kontratë të re.
Aktualisht me fanelën e Çelsit, Broja në Premier Ligë është aktivizuar 16 minuta në fitoren ndaj Evertonit dhe 1 minutë në barazimin në derbin e Londrës ndaj Totenhemit.
Trajneri, Tomas Tuhel ka deklaruar më herët se dëshiron që Broja të jetë pjesë e ekipit.
Pas dy ndeshjeve të para, Çelsi renditet në vendin e shtatë të kampionatit anglez me 4 pikë.
