Avokati Altin Goxhaj, në një intervistë për Fax News, u shpreh se shtatori do të jetë një muaj i vrullshëm në të gjitha fushat, dhe se nga momenti në moment situata mund të përshkallëzohet jo vetëm në Europë, por edhe përtej saj.
Ai theksoi se Perëndimi duke sanksionuar Rusinë, ka kryer një akt vetvrasjeje në dëm të kombeve të veta, duke rrënuar ekonominë.
“Jam duke punuar për një libër që ka të bëjë me axhendën e Soros, po e shfrytëzoj kohën që ta mbyll dhe në shtator besoj do jetë muaj i vrullshëm dhe me shumë pasiguri që vijnë nga të gjitha anët e globit, që nga ekonomia, krizat, viruset, lufta etj.
Kemi një ndërthurje të shumë faktorëve që do të doja t’i shtjelloja sot. Kemi 3 shtresa bazë të një krize që po afron dhe paralajmërohet nga të gjitha mediat e pakapura. Lufta dhe nga ana tjetër kriza ekonomike dhe viruset. Janë 3 elementë që janë njëkohësisht dhe janë paralajmëruar që në 2016, u parashikua që në 2030 s’do të kishim asgjë por do të ishim të lumtur.
Luftërat mund të shtohen dhe të krijohen vatra të reja, flitet për një rrezik të një centrali atomik ku ka dhe luftime e hidhen raketa. Po shpërtheu, Çernobili do të ishte lule!
Nëse ne u shqetësuam nga virusi, një re radioaktive mund të prodhojë gjithçka në jetën e njerzve. Kemi përshkallëzim të konfliktit në Ukrainë me armë të stofistikuara dhe lufta do jetë pa ndalesë.
Kriza ekonomike, sanksionet e Perëndimit ndaj Rusisë kanë pasur efekt të kundërt, rusi nuk po vuan asgjë sepse e ka kompensuar duke rritur çmimin e naftës dhe me hapjen e tregjeve të reja, perëndimi kreu akt vetvrasjeje. Rezultati është kriza në drejtim të energjisë dhe ushqimit. Inflacioni ka arritur nivele të tilla për shkak të shpenzimeve të çmendura, kur ti merr borxh rrënohet ekonomia. Se ka prodhuar Rusia këtë krizë por Perëndimi.
Viruset, janë pjesë e axhendës sepse Perëndimi këtë plan ka, me parullat komuniste, sepse çdo veprim është bërë në dëm të kombeve të tyre. Në Hollandë psh është dhënë urdhër të vriten 1/3 e bagëtive, është propagandë. Fermerët atje janë në betejë, mediat nuk e japin. Është qëlluar dhe me armë. Mund të plasi nga momenti në moment dhe konflikti Kinë-Tajvan!
Nga ana tjetër turku dhe greku janë në kulmin e përballjes, Irani me Izraelin po ashtu”, u shpreh Goxhaj.
