Radhë kilometrike janë shënuar në Kakavijë këtë mëngjes.
Në pjesën greke radhët e mjeteve për të hyrë në Shqipëri janë hasur që në orët e para të mëngjesit ndërsa tani janë shtuar akoma më shumë.
Sipas informacioneve bëhet e ditur se kjo situatë është krijuar si pasojë e mungesës së shërbimit të sporteleve nga ana greke.
Mësohet se grekët punojnë vetëm me 2 sportele në dalje dhe po kaq në hyrje. Ndërsa pala shqiptare punon me katër sportele në hyrje dhe tre në dalje.
Fluksi i madh i mjeteve është shënuar sot në ditën e parë të fundjavës dhe korrenspondon me pikun e sezonit të pushimeve.
