Valdrin Sylejmani, i njohur me emrin Princ Vali Corleone, është qëlluar me armë zjarri orët e para të mëngjesit të sotëm. Ai ndodhet jashtë rrezikut për jetën.
Policia e Kosovës ka arrestuar personin që qëlloi ndaj Sulejmanit, një vajzë 22-vjeçare. Sipas lajmi.net, e dyshuara në këtë rast është Anita Syla, e cila ka bashkëjetuar me të riun që plagosi. Asaj iu konfiskua një pistoletë me 40 fishekë.
Anita Syla, e cila u bë e njohur nga bashkëjetesa me Corleonen, shpesh herë kishte publikuar pamje edhe nga shtëpia e viktimës, video ku shihej edhe Vali.
Anita Syla ka qenë e njohur edhe më herët për publikun, pasi ka pasur probleme me këngëtaren Morena Taraku. Madje, ajo e quante veten si “Vajza e Corleones” dhe ishte bërë shpeshherë pjesë e showbizit.
