Real Madrid ka fituar trofeun e parë të sezonit evropian të futbollit, Superkupën, duke mposhtur me rezultatin 2-0 Eintracht Frankfurt.
Dueli tradicional që ngre siparin e ri të sezonit të klubeve të kontinentit të vjetër, Superkupa, e cila vë përballë fituesen e Ligës së Kampioneve dhe atë të Ligës së Evropës, u luajt këtë të mërkurë në mbrëmje në kryeqytetin e Finlandës, Helsinki.
Reali u shfaq më kërkues gjatë 90 minutave, duke u shpërblyer në fund me trofe. Golat për skuadrën e Carlo Ancelottit u shënuan nga David Alaba në minutën e 36-të dhe Karim Benzema (324 gola me fanellën e Realit) në minutën e 65-të, i cili me këtë gol parakaloi legjendën e Realit, Raul Gonzales (323).
Ky është trofeu i pestë i Superkupës së Europës për Real Madrid që më parë e kishte fituar në vitet 2002, 2014, 2016 dhe 2017.
