Skuadra e Monaco-s i ka dhënë lamtumirën e Champions League pa siguruar fazën në grupe. Eliminimi i bujshëm i ekipit francez erdhi përballë PSV-së, në një supersfidë që u luajt në Holandë.
Pas barazimit 1-1 në sfidën e parë, edhe ndeshja e dytë në kohën e rregullt u mbyll me shifrat 2-2. Por në shtesën e takimit, ishte ish-sulmuesi i Barcelonës, Luk De Jong, ai i cili tundi rrjetën në minutën e 109, duke shënuar golin që do të vuloste suksesin 3-2 dhe kalimin e mëtejshëm të skuadrës së tij.
Ndërkohë, lamtumirën turneut në ndeshjet e sotme ia kanë dhënë edhe skuadra të tjera me emër si Sherif Tiraspol, Midtjylland, Ferencvarosh apo edhe belgët e Ruajal USG.
Rezultatet
Zalgiris-Bodo/Glimt 1-1
Apollon-Makabi Haifa 2-0
Plzen-Sherif Tiraspol 2-1
Pjunik-Crvena Zvezda 0-2
Midtjylland-Benfika 1-3
Dinamo Zagreb-Ludogorets 4-1
Ferencvarosh-Karabak 1-3
PSV-Monaco 3-2
Shturm Grac-Dinamo Kiev 1-2
Rejnxhërs-Ruajal USG 3-0
