Piktori i njohur shqiptar, Koço Ristani ka humbur jetën pasi vuante nga një sëmundje e pashërueshme.
Ristani lindi më 8 maj të vitit 1943, ndërsa që fëmijë u apasionua pas pikturës.
Pikturat nuk ishin i vetmi pasion i Ristanit, pasi ai njihej edhe si skenograf, kostumograf, grafist, dhe restaurator i veprave të artit mesjetar. Ristani studimet i kreu në liceun Jordan Minstja, ndërsa kolegët e kujtojnë atë si një nga figurat kryesore të pikturës jo vetem në korçë, por edhe në Shqipëri.
Piktori korçar ka marrë pjesë në shumë ekspozita kombëtare, ku veprat e tij janë vlerësuar gjithmonë për mesazhet që transmetonte. Veprat e tij janë ekpozuar edhe në ekspozita ndërkombëtare, si në Rusi, Suedi, Gjermani, Greqi e Maqedoni.
