Një 12-vjeçar nga Prizreni i Kosovës është mbytur në plazhin e Velikës në Ulqin, raporton Vijesti.
Ngjarja raportohet të ketë ndodhur më 3 gusht rreth orës 15:00, ndërsa është publikuar vetëm ditën e sotme nga mediat e Malit të Zi.
Ekipi mjekësor i urgjencës ka tentuar reanimimin, por pa rezultat. Rasti është vënë në dijeni të Prokurorisë së Lartë të Shtetit në Podgoricë, e cila ka urdhëruar kryerjen e autopsisë së viktimës, e cila tregoi se 12 vjeçari ishte mbytur.
Sipas Vijesti, viktima është nxjerrë në breg nga një turist nga Kosova, i cili ka vërejtur se fëmija në mënyrë të panatyrshme po pluskonte në cekëtinë.
