Jackie Walorski, një anëtare republikane e Kongresit nga Indiana, humbi jetën gjatë një aksidenti automobilistik, së bashku me dy anëtarë të stafit të saj.
Sa i përket arsyeve të aksidentit, autoritetet fillimisht thanë se ishte automjeti tjetër që shkaktoi aksidentin.
Por departamenti publikoi një deklaratë tjetër duke thënë se “dëshmitarët okularë dhe provat video” konfirmuan se automjeti i Walorski “kaloi vijën qendrore për arsye që ende nuk dihen dhe dy automjetet u përplasën”.
Demokratë dhe republikanë në Kongres bënë homazhe për ligjvënësen e ndjerë, e cila u zgjodh për herë të parë në 2012.
Para se të zgjidhej në Kongres, Walorski ka qenë reportere e lajmeve televizive në South Bend. Ajo ka kryer punë misionare së bashku me të shoqin në Rumani.
Në një deklaratë, Presidenti Biden shprehu ngushëllimet për familjarët dhe vlerësoi Walorski për shërbimin e saj ndaj komunitetit.
