Pas ngjarjes tragjike të ndodhur në Potam të Himarës, ku një skaf i drejtuar nga komisari i Policisë së Shtetit, Arjan Tase, goditi për vdekje në bregun e detit, një vajzë 7 vjeçare, pushuesit janë larguar të tronditur nga plazhi.
Ngjarja e rëndë ndodhi në sytë e disa dhjetra pushuesve që kishin zgjedhur të kalonin pushimet në Potam, atje ku ishte edhe familja e vajzës së vogël që mbeti viktimë. Familja e 7 vjeçares, e cila kishte lindur në Britaninë e Madhe, kishte zgjedhur të kalonte pushimet në Shqipëri, por këto pushime iu kthyen në një tragjedi.
Fëmija ndodhej në bregun e detit, shumë afër çadrës, bashkë me familjarët e saj, kur skafi e goditi duke i marrë jetën.
Pas ngjarjes, pushuesit të tronditur janë larguar nga plazhi, i cili vetëm pak minuta pas asaj që ndodhi u shkretua totalisht. Fotot dhe video e mëposhtme tregojnë atë se çfarë ka mbetur.
