Anëtari i Kryesisë së PD Enno Bozdo ka reaguar lidhur me ngjarjen tragjike të ndodhur në bregdetin e Potamit në Himarë, ku një skaf i drejtuar nga komisari i Policisë së Shtetit, Arjan Tase, goditi për vdekje për vajzë 7 vjeçare.
Bozdo shkruan se Shqipëria është i vetmi vend në Botë ku pushuesit vriten në breg të detit.
“Një ngjarje që të lë pa frymë. Jemi i vetmi vend në botë ku pushuesit vriten në breg të detit. Në mënyrë të përsëritur. Dhe askush nuk e vë ujin në zjarr.
Qeveria është me pushime, Edi Rama e ka mëndjen te Ballkani Hapur!
Edhe më e rëndë sepse autori është polic, bënte manovra të rrezikshme dhe askush nuk guxonte ta bllokonte.
Ky psikopat sot i mori jetën e një vajze të mitur dhe të pafajshme. Shumë psikopatë të tjerë, nga e njëjta rracë, po i marrin frymën vendit çdo ditë!”, shkruan Bozdo në reagimin e tij.
