Gazetarit Blendi Fevziu i ka ndodhur një situatë tepër e pakëndshme. Një mjek nga Brazili e ka njoftuar se identiteti i tij po keqpërdoret nga dikush në Brazil i cili shtiret si i pasur dhe kërkon grua.
Blendi ka publikuar në Instastory profilin e mashtruesit në Facebook. Madje ai ka krijuar edhe një pasaportë dhe mjete identifikimi.
“Përshendetje Blendi. Unë jam brazilian, mjek obstetër dhe gjinekolog. Po ju kontaktoj për t’ju informuar se fotot dhe imazhi juaj përdoret nga një burrë fallco për të vjedhur femra braziliane. Nëna ime ishte një nga viktimat. Banditët kanë marrë foto nga Instagrami juaj duke ndryshuar emrin. Ata shtiren si një i vetumuar i pasur që po kërkon për grua. Tani do t’ju tregoj fotot që i dërguan nënës sime”, shkruhet në mesazhin që mjeku i ka dërguar Blendi Fevziut.
