Një tjetër vatër zjarri ka rënë në Savër të Lushnjës që prej mesditës së sotme. Vatra e parë ka nisur nga djegia e bimësisë së thatë në tokat bujqësore dhe më pas flakët dogjën 5 hektar hamullore.
Në ndihmë të banoreve ka ardhur një mjet i vogël zjarrfikës, i cili nuk mundi të bëjë shuarjen e vatrave të zjarrit.
Banorët me mjete rrethanore, degë të njoma dhe lopata kanë punuar 2 orë për fikjen e zjarrit për ta larguar nga banesat. Ata ankohen se bashkia dhe zjarrfikësja nuk ka ardhur në kohë për ti ndihmuar në izolimin e zjarrit.
Pak minuta pas fikjes së zjarrit në 5 ha tokë, është rindezur vatra tjetër.
