Në datën 14 gusht në sheshin “Nënë Tereza” do të jetë koncerti “Alpha Show” nga artisti Noizy.
Në një intervistë përballë moderatores Fjodora Fjora, reperi tregoi edhe disa detaje që lidhen me skenografinë dhe gjithë konceptin apo artistët që do të jenë pjesë e këtij koncerti. Pa harruar të falenderojë bashkëpunëtorët ai tregoi se skenografia do të jetë gjigande dhe lëvizëse.
Artistët që janë bërë publikë nuk do të jenë të vetmit, do të ketë edhe “surprizë”. Publiku do të ketë mes tij një zonë që quhet “Diamond” dhe sigurisht qe anash do te jete zona VIP.
“Ky koncert nuk duhet humbur dhe do të kendohen këngët tona të para që në koncerte nuk i kemi kënduar asnjherë. Do jemi me bandë live, do kemi fjalime shumë të rëndësishme gjatë koncertit midis këngëve, do mundohemi të bëjmë paqe duke dhënë mesazhe të mira. Është bërë çfarë është bërë deri tani, meqë ende kam ndikim të madh në publik, t’ju them që të gjithë bëjmë gabime por nuk është rruga e duhur. Unë vërtetë kam bërë gabime edhe pse me thanë të mos i bëj por duhet ta provoja që të kuptoja se ka edhe mënyra të tjera. Monedha ka dy anë edhe pse une shpesh kam parë vetëm njërën dua të jap mesazhe pozitive për ti kujtuar edhe një herë që monedha ka gjithmonë dy anë”- tha Noizy.
Do të ketë po ashtu limit moshe që është 14 vjeç e sipër.
