Marrëveshja mes Qeverisë shqiptare dhe Fondacionit për Menaxhimin e Butrintit, që parashikon administrimin e këtij parku ka krijuar debate jo thjesht politike, por edhe një reagim nga shoqëria mes mazhorancës dhe opozitës.
Opozita dhe shoqëria civile e sheh me dyshime këtë marrëveshje, duke pretenduar se fondacioni për menaxhimin e Butrintit është një mjet përmes të cilit qeveria do të korruptojë shqiptarët, ndërsa theksojnë se anëtarët e bordit nuk interesohen për trashëgiminë kulturore të vendit tonë.
Midis personave të politikës dhe jo vetëm që janë rreshtuar kundër marrëveshjes është edhe aktori Florjan Binaj.
Nëpërmjet një postimi në rrjet, Binaj thotë se anëtari i bordit të Fondacionit për menaxhimin e Parkut të Butrintit, Richard Hodges është një antishqiptar që flet hapur kundra trashëgimisë.
“Një person që është zgjedhur nga qeveria dhe që paguhet nga taksat tona për të na shërbyer”, shkruan Binaj në Facebook.
Krahas shkrimit Binaj ka postuar një video ku Hodges thotë se Shqipëria ka qënë një vend artificial i krijuar pa asnjë shqiptar në të në 1913-ën nga fuqitë e mëdha dhe se grekët janë përzënë nga
Butrinti e nga jugu nga shqiptarët dhe se këta të fundit i kanë sjellë fuqitë e mëdha.
