Çifti i njohur i showbiz-it shqiptar, Shpat Kasapi dhe bashkëshortja e tij Selvija kanë krijuar një marrëdhënie të konsoliduar pasi mirëpritën në jetë para pak muajsh fëmijën e tyre të parë, Roelin.
Selvija ka relizuar së fundmi një mini-intervistë me ndjekësit e saj në “Instagram”, ku iu është përgjigjur pyetjeve të bëra nga ta. Një ndjekës e ka pyetur Selvijen për mendimin e saj në lidhje me ish të dashurat e Shpatit. Selvija ka thënë se i respekton të gjitha femrat që Shpati ka pasur në jetën e tij pasi dhe ajo vetë është një nga zgjedhjet e Shpatit.
“Ishat?? Pse aq shumë ka pasur. Ato që unë njoh janë yje. Ashtu si ju dhe unë lidhjet që ka pasur Shpati i kam parë nga televizori. Nuk kam qenë pjesë e të kaluarës së tij dhe nuk më takon mua të flas ose të mendoj diçka për ish-at e tij. Respektoj çdo femër që ka qenë në jetën e Shpatit. Çdo zgjedhje të tij e respektoj sepse ashtu respektoj dhe veten, sepse dhe une jam zgjedhje e Shpatit. Çdo kush ka lënë impakt të mirë dhe të keq tek Shpati që e kanë formuar në jetë. Mua s’më takon të flas asgjë vetëm të respektoj dhe flas fjalët më të mira për një femër”– ka shkruar Selvija.
