Loredana Zefi dhe Noizy janë dy nga reperet më të pëlqyer dhe më të komentuar të momentit pas bashkëpunimit të fundit.
Ky bashkëpunim dhe miqësia e krijuar prej tyre u aludua si një lidhje romanitke e mundshme mes dyshes. “Heart attack” ka korrur sukses të madh duke thyer rekorde klikimesh, por përveç suksesit ky bashkëpunim ka sjellë dhe kunja e reagime të ndryshme nga Mozzik.
Kujtojmë gjithashtu se prej disa kohësh po qarkullon në rrjet një video e reperit Cllevio, i cili ka një rivalitet të hapur me Noizy-n, dhe shprehet: “E dini çfarë mësova sot për Loredanën? E ka kapur Noizy. Për shkak të kësaj Noizy s’flet më me Mozzikun”.
Reperi i ka bërë këto aludime përpara se të publikohej bashkëpunimi i Loredanës me Noizyn dhe si duket kjo gjë ka sjellë dhe krisjen e miqësisë mes Noizyt dhe Mozzik.
Së fundmi, Loredana ka sqaruar të gjitha dhe tregoi se dyshja janë njohur nga Blerim Destani, por nuk përmendi asnjë nga aludimet për një lidhje pasi tha se me Nozyn kanë vetëm një shoqëri të mire.
“Na ka bashkuar Blerim Destani. Nuk jemi njohur kurrë më parë. Jemi takuar, jemi kuptuar dhe nuk ka patur asnjë problem. Shoqëria është super prej nesh. Pak më vonë mund të sjellim edhe ndonjë koncert tjetër. Do jem pa lekë absolutisht.”-tha Loredana.
