Në moshën 84-vjeçare, aktorja legjendare Jane Fonda nuk heziton të flasë hapur për jetën e saj seksuale.
Aktorja, në një intervistë me Andy Cohen në emisionin “Andy Cohen Live” të SiriusXM, ka treguar se sa më shumë të rritet, aq më mirë është në shtrat. Siç tha ajo në mënyrë karakteristike, jeta e saj e dashurisë tashmë mund të jetë “private”, por ajo kujdeset që t’ia kalojë mirë edhe vetëm.
“Ndërsa njerëzit rriten, ose përmirësohen në seks, ose fitojnë zakone të këqija”, tha ajo fillimisht dhe shtoi: “Mendoj se femrat zakonisht përmirësohen sepse nuk kanë më frikë të kërkojnë pikërisht atë që u nevojitet”.
Madje, ajo theksoi se sipas saj femrat humbin shumë kohë duke hezituar t’i thonë partnerit se çfarë duan në pjesën e dashurisë, për pasojë mbeten të pakënaqura.
“Ne humbim shumë kohë sepse nuk duam të themi ‘prisni një minutë, duroni, shkoni më tej majtas, etj. Ne nuk duam t’i bëjmë ata të ndihen të pakëndshëm dhe bëjmë kompromis. Por kur rritemi, befas mendojmë vetëm se dimë se çfarë duam. Unë tani, po mendoj ‘e di se çfarë kërkoj, më jep atë që dua’, shtoi aktorja fituese e Oskarit.
