Mbretëresha Elizabetë është ndjerë e pakënaqur me përdorimin e shpeshtë të helikopterit mbretëror nga Princi William dhe Kate Middleton.
Arsyeja është pasi ajo nuk dëshiron që trashëgimtarët e drejtpërdrejtë të fronit të udhëtojnë së bashku dhe këtë e ka shprehur vazhdimisht. Ky është edhe një rregull i mbretërisë.
Wiilian dhe Kate janë parë kohët e fundit duke hipur në një helikopter me fëmijët e tyre, pavarësisht se Mbretëresha e kishte bërë të qartë se nuk ishte e lumtur për këtë fakt, madje vendosi të merrte masa.
Eksperti mbretëror Neil Sean hedh dritë në lidhje me këtë ngjarje duke u shprehur: “Duket se Princi William dhe Kate kanë kundërshtuar urdhrat e Mbretëreshës. Këtë javë ata u panë duke hipur në një helikopter në pjesën e pasme të Pallatit Kensington, teksa udhëtuan për një pushim të shkurtër. Kjo e ka bërë monarken të shqetësohet. Është protokoll mbretëror që anëtarët e familjes të udhëtojnë me aviona të veçantë për arsye të dukshme sigurie. Mbretëresha i ka folur shumë ashpër William për këtë. Por në këtë rast, ndoshta Princi nuk i kushtoi vëmendjen e duhur”.
Kur William dhe Kate të kthehen nga pushimet e tyre, ata do të thirren në Windsor për një shpjegim.
