Monza është një nga skuadrat më aktive gjatë kësaj merkatoje në Seria A.
Të sapo ngjitur në elitën e futbollit italian, skuadra nga Lombardia kërkon qëndrimin mes më të mirëve dhe për këtë drejtuesit janë hedhur në sulm për të bërë goditjet e duhura.
Siç raportohet nga Gianluca Di Marzio, Ranocchia do të largohet nga Juventusi për t’u bashkuar me skuadrën që kryesohet nga Silvio Berlusconi në një marrëveshje huazimi me një opsion blerjeje të bashkangjitur.
Përfshihet gjithashtu një opsion riblerjeje, duke u dhënë Bianconerëve mundësinë për ta rikthyer atë në Torino nëse ai realizon potencialin e tij në Lombardi.
Juventus nënshkroi Ranocchian në janar 2019 nga sistemi i të rinjve të Perugias për rreth 840 000 euro.
