Ka nisur seanca gjyqësore për dhënien e masës së sigurisë ndaj Vitrin Çobaj. Pas disa minutash në seancën e gjyqit, Çobaj u la në burg.
Çobaj akuzohet se për 4 orë me radhë ka abuzuar duke vjedhur e duke ngacmuar seksualisht vajzat e familjes, disa prej tyre dhe të mitura.
Madje, familja deklaroi se autori ka arritur të fusë në kasollen e shtëpisë vajzën e madhe 17 vjeçe dhe atje e ka përdhunuar.
Në lidhje me deklaratat e familjarëve, është kryer edhe ekspertiza ligjore e 17-vjeçares.
Nga eksprtiza, rezulton se vajza nuk është përdhunuar nga Çobaj.
Raporti thekson se ndaj saj ka pasur ngacmim seksual, por jo përdhunim.
Tre ditë më parë, Vitrin Çobaj shkoi në familjen Ferraj në Brataj të Selenicës dhe nën kërcënimin e armëve grabiti dhe dhunoi familjen në fjalë, ndërsa prindërit pretenduan se ai kishte përdhunuar vajzën e madhe të familjes.
Çobaj u arrestua disa orë më pas ngjarjes dhe tanimë akuzohet për disa vepra penale.
