Avionët luftarakë izraelitë goditën Gazën pas lëshimeve të raketave nga territori palestinez të shtunën, disa orë pasi presidenti amerikan Joe Biden fluturoi nga Izraeli në Arabinë Saudite në një udhëtim në Lindjen e Mesme.
Ushtria izraelite tha se goditi dy objekte që i përkasin Hamasit, grupit militant islamik që qeveris rripin e Gazës. Një nga objektivat ishte një fabrikë nëntokësore e prodhimit të raketave, tha ushtria. Nuk raportohet për të lënduar, shkruan Reuters.
Hamasi e ka dënuar vizitën e Bidenit dhe zëdhënësi i grupit Faëzi Barhoum tha se bombardimet izraelite “pasqyronin mbështetjen dhe inkurajimin e SHBA-së që entiteti sionist kishte marrë për të ndjekur agresionin dhe krimet e tij”.
Sirenat u dëgjuan në jug të Izraelit dy herë të shtunën, duke paralajmëruar për sulm me raketa. Një raketë u kap dhe tre predha u ulën në hapësira të hapura, tha ushtria.
